Պատասխան. Երբ Ադրբեջանը պատրաստ կլինի վերադարձնել իր կողմից օկուպացված Լեռնային Ղարաբաղի շրջանները եւ ճանաչել ԼՂՀ անկախությունը, երբ կձերբազատվի միջնադարյան մտածելակերպից եւ գործելաոճից, այդ ժամանակ, Բաքուն կարող է խնդրել ԼՂՀ-ին քննարկումներ ծավալել փոխադարձ հետաքրքրություն ներկայացնող հարցերի շուրջ:

16 ապրիլ 2010թ.

Հայաստանի արտաքին գործերի փոխնախարար Շավարշ ՔՈՉԱՐՅԱՆՆ  «Ինտերֆաքս» գործակալությանը տված հարցազրույցում անդրադարձել է Լեռնային Ղարաբաղի հակամարտության կարգավորման խնդրին։

-Պարոն Քոչարյան, Ադրբեջանի նախագահ Իլհամ Ալիեւը, ելույթ ունենալով երկրի կառավարության ընդլայնված նիստում, հայտարարեց, որ ղարաբաղյան հակամարտության կարգավորումը վճռորոշ փուլ է մտել։ Ձեր կարծիքով՝ դա արդյոք այդպես է։

-Բաքուն իր խեղաթյուրված մոտեցումները որպես բանակցությունների վճռորոշ փուլ ընդունելու պատրանքն ունի։ Մինչդեռ, որպեսզի իրապես վճռորոշ փուլ սկսվի, պետք է լինի փոխզիջումների գնալու կողմերի պատրաստակամությունը։ Ադրբեջանը բնավ պատրաստ չէ դրան։ Այսօր բանակցությունների սեղանին կա մի փաստաթուղթ, որը Հայաստանի եւ Ադրբեջանի կողմից ընդունվել է որպես բանակցությունների հիմք. դա 2007 թվականի մադրիդյան սկզբունքների փաստաթուղթն է։ Եթե Ադրբեջանը առաջընթաց է ցանկանում, ապա դրա համար պետք է բանակցություններ լինեն վիճահարույց հարցերի շուրջ, այլ ոչ թե հրաժարում փաստաթղթի սկզբունքներից՝ դրա էությունը խեղաթյուրելու ճանապարհով։
Համաձայնությունը հնարավոր կլինի այն ժամանակ, երբ Ադրբեջանը կդադարի հիմնախնդրի էության, զինված հակամարտության պատճառների եւ բանակցային գործընթացի անընդհատ խեղաթյուրումներով այդ գործընթացը փակուղի մտցնել։

     26 մարտ 2010թ.

21 Марта  2010г.
Новости Армении - NEWS.am

Президент Алиев после обеспечения конституционной бессменности полученной по наследству власти возомнил, что может говорить от имени времени, международного права, посредников, Армении и народа Нагорного Карабаха. Об этом заявил заместитель министра иностранных дел Армении Шаварш Кочарян, комментируя очередные заявления президента Азербайджана Ильхама Алиева относительно процесса урегулирования нагорно-карабахского конфликта.

«Господин Алиев озвучил очередный монолог о неимевшем место диалоге. Согласно монологу Азребайджан принципиально завершил переговоры с самим собой и то, к чему он пришел в целом отвечает интересам Азербайджана. Правда с некоторыми исключениями – видимо даже сами с собой не могут договориться», — подчеркнул армянский дипломат.

«Առավոտ», 20 Նոյեմբերի 2009

Վստահ է ԱԳ փոխնախարար Շավարշ Քոչարյանը

- Արձանագրությունների վավերացման գործընթացը Թուրքիայի խորհրդարանում կանգառային վիճակում է, եւ մեր հասարակության եւ քաղաքական դաշտի համար պարզ չի, թե ինչ է կատարվում Թուրքիայի խորհրդարանում, ե՞րբ են իրենց դիրքորոշումը ներկայացնելու: ՀՀ իշխանությունները արդյոք սրտատրո՞փ են սպասում վավերացմանը, թե՞ արդեն դուք էլ եք անտարբեր դարձել:
- Դեպքերի զարգացումն այնպիսին էր, որ տրամաբանական է սպասել, որ վավերացման ուղղությամբ քայլեր կատարի Թուրքիան: Մի պարզ պատճառով՝ մինչ այդ գործընթացում խոչընդոտներ առաջացրել է թուրքական կողմը: Այն քաղաքական կոնսուլտացիաները, որ սկսվեցին օգոստոսի 30-ից, պետք է ավելի վաղ սկսվեին, ապրիլի սկզբին: Դա այդ ժամանակ տեղի չունեցավ, որովհետեւ թուրքական կողմը ետ կանգնեց իր հանձնառություններից: Նմանատիպ երեւույթ տեղի ունեցավ հոկտեմբերի 10-ին՝ Ցյուրիխում ստորագրման ժամանակ, երբ նախատեսված արարողությունը ձգձգվեց, քանի որ Թուրքիայի ԱԳ նախարարը փորձեց իր նախատեսված ելույթում ներկայացնել արձանագրությունների տառին, ոգուն եւ նպատակներին հակասող մեկնաբանություններ: Արձանագրությունները ներկայացված են Թուրքիայի խորհրդարանի վավերացմանը եւ ներկա փուլում քննարկվում են արտաքին հարաբերությունների հանձնաժողովում: Հայաստանը եւս սկսել է արձանագրությունների ներպետական համաձայնեցման գործընթացը:

«Առավոտ», 19 Նոյեմբերի 2009

«Առավոտի» հետ բացառիկ զրույցում պատասխանելով հարցին՝ երկրի նախաձեռնողական քաղաքականությունը՝ ողջամիտ ժամկետների մասով, ե՞րբ կդրսեւորվի, ԱԳ փոխնախարար Շավարշ Քոչարյանն
ասաց. «Հայաստանի նախաձեռնողական քաղաքականությունը դրսեւորված է մասնավորապես այն իրողությամբ, որ գնդակը անընդհատ հայտնվում է Թուրքիայի դաշտում: Եթե ընդունենք, որ Հայաստանի համար ինչ-որ առումով սպասողական վիճակում գտնվելը առաջացնում է «անհարմարություն», ապա Թուրքիան իր նախորդ քաղաքականությամբ առաջացրեց սպասելիք, որ վավերացման գործընթացում շոշափելի քայլը ինքը պետք է կատարի, ինչը «կրկնակի անհարմարություն է»: Իրականում մենք ձեռքներս ծալած չենք սպասում, եւ իշխանական օղակներում լրջագույն աշխատանքներ են  իրականացվում: Մենք պետք է պատրաստ լինենք ցանկացած զարգացումների»:
Հարցազրույցը կարդացեք վաղվա համարում: